ក្នុងនាមខ្ញុំជាពាណិជ្ជករតែងតែមានការមមារញឹកជាច្រើន ហើយខួរក្បាលរបស់ខ្ញុំដើររហូត ដូច្នេះហើយ ខ្ញុំត្រូវការសម្រាកខួរក្បាលខ្លះ។ សៀវភៅ «សមាធិដើម្បីថាមពលជីវិត» ពិតជាមានប្រយោជន៍ច្រើនណាស់ដល់មនុស្សទូទៅ ជាពិសេសសហគ្រិន។ ដោយយល់ឃើញថា លោក នឹម ឈុន្នី ធ្លាប់បានបួសរៀន និងមានបទបិសោធន៍ការងារជាច្រើនឆ្នាំ ហើយលោកបានយកចំណេះដឹងបែបព្រះពុទ្ធសាសនាមកចែករំលែកដល់ប្រជាពលរដ្ឋខ្មែរ ជាពិសេស សហគ្រិន និយោជិត និងនិយោជកឱ្យយល់ដឹងពីការអប់រំផ្លូវចិត្តបែបព្រះពុទ្ធសាសនា ដើម្បីបង្កើនតុល្យភាពជីវិត ការងារ និងការរកស៊ីចិញ្ចឹមជីវិតឱ្យកាន់តែប្រសើរ។ អាស្រ័យហេតុដូច្នេះ ខ្ញុំគិតថាអ្នករាល់គ្នា ទាំងនិយោជិត និយោជក ជាពិសេសអ្នកដែលធ្វើការសម្រេចចិត្តច្រើន ឬដឹកនាំគេច្រើនហ្នឹង ត្រូវតែមើលសៀវភៅនេះ ហើយយកទៅអនុវត្តតាមដើម្បីធ្វើឱ្យជីវិតជោគជ័យ និងកាន់តែប្រសើរ។
ឌិន សុមេធារិទ្ធ
ស្ថាបនិកភូមិផ្កាត្រកួន និង Frangipani Royal Palace Hotel